علم و ادب سے مالا مال ادب میلہ31 جنوری بروز جمعہ شام4:00 بجے سے آرٹس کونسل میں شروع ہو نے جارہا ہے۔جس میں 200 سے زائد مقررین اور اداکار شریک ہوں گے ادب میلے کے حوالے سے پریس کانفرنس کا انعقاد آرٹس کونسل میں کیا گیا،جس میں کمشنر افتخار شلوانی،صدر آرٹس کونسل احمد شاہ ،امینہ سید اور آصف فرخی نے شرکت کی۔

دب میلے کی سربراہ امینہ سید کا کہنا تھا کہ ادب میلے کا آغاز بروز جمعہ 31 جنوری کو شام4:00 بجے آرٹس کونسل میں کیا جارہا ہے اور اس میں 200 سے زائد مقررین اور اداکاربھی شریک ہوں گے۔ فیسٹیول میں آنے والے ادیب سماجی امور پر بات کریں گے اور مختلف کتابوں کی رہنمائی بھی کی جائے گی کمشنر افتخار شلوانی کا کہنا تھا کہ ایسی سرگرمیوںسے شہر کو نئی زندگی ملی ہے ہم نے اسٹیٹ لائبریریز کا آغاز کیا اور میراتھن جیسی صحت مند سرگرمی کا انعقاد کیا،سندھ حکومت کا ہمیں بھرپور تعاون حاصل ہے۔

افتتاحی اجلاس کے اہم مقررین میں امرجلیل، آصف سعید کھوسہ، فرانسس رابنسن اور ملیحہ لودھی شامل ہیں۔ افتتاحی اجلاس کے اہم مقررین میں اڈانیہ شبلی، نورالہدیٰ شاہ اور سید سردار علی شاہ شامل ہیں ادب میلے کے ہدایتکار اورکتھک ڈانس آرٹسٹ شما سید نے کہا کہ ایاز قوال کی قوالی، ڈانس پرفارمنس اور کامیڈی ادب میلے کا لازمی جز ہوں گے۔