ایمز ٹی وی (کراچی) شہر قائد میں ملک کی بلند ترین عمارت بحریہ ٹاؤن آئیکون کا افتتاح ہوگیا ، آج شاندار آتشبازی ہوگی ۔ ملک ریاض کہتے ہیں اسلام آباد میں ایفل ٹاور کے ڈیزائن پر ایک سو ایک منزلہ بلڈنگ کی تعمیر بھی جلد شروع ہو جائے گی ۔ بحریہ ٹاؤن تعمیرات کے شعبے میں نئی جہتیں متعارف کرانے میں پیش پیش ، کراچی کی شاہراہ فردوسی پر ملک کی بلند ترین باسٹھ منزلہ بلڈنگ بحریہ ٹاؤن آئی کون کا افتتاح ہوگیا ، ہفتے کی شب گرینڈ آتش بازی ہوگی ۔ چیئرمین بحریہ ٹاؤن ملک ریاض کہتے ہیں ایفل ٹاور کے ڈیزائن پر اسلام آباد میں ایک سو ایک منزلہ عمارت کی تعمیر بھی جلد شروع ہوگی ۔ کراچی میں تعمیر بحریہ ٹاؤن آئی کون میں باسٹھ سٹوری سروسڈ کارپوریٹ آفسز ، 40 سٹوری سروسڈ اپارٹمنٹس ، ملک کا بلند ترین ٹیریسڈ ریسٹورنٹ اور ڈبل ڈیکر ہائی سپیڈ ایلیویٹرز نصب کیے گئے ہیں ، پارکنگ کیلئے سات فلورز مختص ہونگے.