ایمز ٹی وی(اسپورٹس) ورلڈ ریسلنگ انٹرٹینمنٹ کا بڑا ایونٹ انتہائی دلچسپ رہا۔ کسی کے وہم وگمان میں بھی نہیں تھا کہ رینڈی اورٹن 30 پہلوانوں کو پچھاڑ کر رائل رمبل مقابلہ جیت لیں گے۔
غیر ملکی میڈیا کے مطابق ورلڈ ریسلنگ انٹرٹینمنٹ (ڈبلیو ڈبلیو ای)کا سب سے بڑا مقابلہ رینڈی اورٹن نے اپنے نام کر لیا ہے۔ اس مقابلے کیلئے گولڈ برگ، انڈرٹیکر اور بروک لینسر کو فیورٹ قرار دیا جا رہا تھا تاہم رینڈی اورٹن نے اپنی پرفارمنس سے سب کو حیران کر دیا۔
رائل رمبل کا آغاز کرس جیریکو اور نے کیا۔ بروک لیسنر کو گولڈ برگ نے رنگ سے باہر پھینکا، اس کے بعد انڈر ٹیکر نے گولڈ برگ کو چلتا کیا، انڈر ٹیکر کو رومن رینز نے باہر پھینکا اور رینڈی اورٹن نے رومن رینز کو رنگ سے باہر پھینک کر دوسری بار رائل رمبل جیت لیا۔
اس سے قبل رینڈی اورٹن نے 2009 میں رائل رمبل مقابلہ جیتا تھا۔ دوسری جانب جان سینا نے اے جے سٹائلز کو شکست دے کر رک فلیئر کا 16 ورلڈ چیمپئن شپ کا ریکارڈ برابر کر دیا ہے۔