پیر, 12 اپریل 2021


آئی سی سی رینکنگ میں ٹیم کی پہلی پوزیشن

 

ایمز ٹی وی(اسپورٹس) جنوبی افریقہ سری لنکا کو وائٹ واش کرنے کے ساتھ ہی آئی سی سی کی ون ڈے رینکنگ میں پہلی پوزیشن پر آگئی ۔ 

تفصیلات کے مطابق سری لنکا کو 5ایک روزہ میچوں کی سیریز میں وائٹ واش کرنے والی جنوبی افریقہ کی ٹیم کی پوزیشن مزید مضبوط ہو گئی جو رینکنگ میں پہلے نمبر پر آگئی ہے ۔

کپتان اے بی ڈویلیرز نے اپنے بیان میں کہا ہے کہ ”ہم آئی سی سی کی ون ڈے رینکنگ میں پہلے نمبر پر آنے کے بعد بے حد خوش اور پرجوش ہیں “۔ ٹیم میں دو سال پہلے گزرنے والے ورلڈ کپ سے قبل مشکل صورت حال تھی مگر ہم نے ٹیم کو دوبارہ مضبوط کرنے اور ون ڈے کرکٹ میں اچھی کارکردگی کا تسلسل برقرار رکھنے کیلئے سخت محنت کی جس کا پھل ملا ہے “۔

اس سے قبل نومبر 2014ءمیں جنوبی افریقہ کی ٹیم ون ڈے رینکنگ میں پہلی پوزیشن پر تھی جس کے بعد بھارت نے سری لنکا کو 0-5سے وائٹ واش کرنے کے بعد پہلی پوزیشن پر قبضہ کر لیا تھا اور پھر اس کے بعد یہ اعزاز آسٹریلیا نے جنوبی افریقہ کو 1-4سے ہرانے کے بعد حاصل کیا تھا ۔

 

پرنٹ یا ایمیل کریں

Leave a comment