ایمزٹی وی (اسپورٹس)ویسٹ انڈیز کے خلاف قومی ٹیسٹ کرکٹ ٹیم کے انتخاب کے لیے سلیکشن کمیٹی کا اجلاس 3 اپریل کو ہوگا، پی سی بی ذرائع کے مطابق ٹیم سلیکشن کمیٹی کا اجلاس دو روز جاری رہے گا۔
پی سی بی ذرائع کے مطابق ویسٹ انڈیز کے خلاف ٹیسٹ ٹیم کے انتخاب کے لیے قومی سلیکشن کمیٹی کا اجلاس 3 اپریل کو لاہور میں ہوگا، سلیکشن کمیٹی کا اجلاس 2 روز جاری رہے گا اور 4 اپریل کو ٹیم کو حتمی شکل دی جائے گی۔
ذرائع کے مطابق ٹیسٹ ٹیم میں شان مسعود،حسن علی اور عثمان صلاح الدین کو شامل کیے جانے کا قوی امکان ہے کیونکہ شرجیل خان معطل اورعمران خان جگہ برقرار نہیں رکھ سکیں گےجبکہ احمد شہزاد کے لیے بھی مسلسل فلاپ ہونے کی وجہ سے مشکلات بڑھ گئی ہیں۔