ایمزٹی وی(اسپورٹس) جنوبی افریقی کپتان فاف ڈو پلیسی نے ورنون فلینڈر کو ٹیم کیلیے نیا جیک کیلس قرار دے دیا۔ فلینڈر نے ساتویں نمبر پر بیٹنگ کرتے ہوئے 54 اور 42 رنز بنانے کے ساتھ دوسری اننگز میں صرف 24 رنز دے کر تین وکٹیں بھی لی تھیں، اس وجہ سے انھیں مین آف دی میچ قرار دیا گیا تھا۔ فاف ڈو پلیسی نے کہا کہ جس طرح فلینڈر نے بیٹنگ کی اس سے اندازہ ہو گیا کہ وہ ہمارے لیے نئے جیک کیلس بن گئے ہیں، وہ ایک شاندار کرکٹر ہیں۔ واضح رہے کہ ان کی شاندار کارکردگی نے پروٹیز کو انگلینڈ پر دوسرے ٹیسٹ میں 340 رنز سے فتح دلائی تھی۔