بدھ, 03 مارچ 2021


اذلان شاہ کپ نیوذی لینڈ نے اپنے نام کر لیا

 

ایمز ٹی وی (کھیل) ایپوا میں آسٹریلیا اور نیو ذی لینڈ کے درمیان اذلان شاہ ہاکی کپ کا فائنل کھیلا گیا جس میں نیوذی لینڈ نے آسٹریلیا کو شکست دیکر کپ اپنے نام کرلیا ۔ملائیشین شہر ایپوہ میں کھیلے جا رہے ایونٹ کے فائنل میں آسٹریلیا اور نیوزی لینڈ کی ٹیمیں مدمقابل آئیں جہاں دونوں ٹیموں میںاعصاب شکن مقابلہ ہوا۔نیوزی لینڈ نے میچ کے شروع سے جارحانہ انداز اپنایا جس کا صلہ انہیں پانچویں منٹ میں اس وقت ملا جب آسٹریلین دفاعی کھلاڑی کی غلطی سے ملنے والے پینالٹی کارنر پر ہیورڈ نے گیند کو جال میں پہنچا دیا۔اس موقع پر کیویز نے حملوں کا سلسلہ جاری رکھا لیکن آسٹریلین دفاعی کھلاڑیوں نے ان کے حملوں کو ناکام بنا دیا۔کھیل کے 50ویں منٹ میں آسٹریلیا کو گول کرنے کا موقع میسر آیا اور جمی ڈائر نے گول کر کے مقابلہ برابر کردیا تاہم ابھی آسٹریلین ٹیم نے اپنا جشن ختم بھی نہ کیا تھا کہ کیوی کھلاڑی ہیورڈ نے ایک بار پھر دفاعی کھلاڑیوں کو چکمہ دیتے ہوئے گیند کو جال میں پہنچا دیا۔میچ میں نیوزی لینڈ کی فتح یقینی نظر آ رہی تھی لیکن کھیل ختم ہونے سے دو منٹ قبل نولز نے پینالٹی شوٹ پر گول کر کے مقابلہ برابر کردیا۔مقررہ وقت میں مقابلہ برابر ہونے کے بعد مقابلہ پینالٹی شوٹ آؤٹ پر گیا جہاں دونوں ٹیموں کو پانچ پانچ پینالٹی ایوارڈ کی گئیں جہاں کیویز نے تین کے مقابلے میں ایک گول سے کامیابی حاصل کر کے دوسری مرتبہ ایونٹ اپنے نام کر لیا۔دوسری جانب تیسری پوزیشن کے میچ میں ہندوستان نے جنوبی کوریا کو شکست دے کر برانز میڈل اپنے کر لیا۔دونوں ٹیموں کے درمیان مقابلہ مقررہ وقت تک دو دو گول سے برابر رہا جس کے بعد پینالٹی شوٹ آؤٹ پر ہندوستان نے چار کے مقابلے میں ایک گول سے کامیابی حاصل کی۔پانچویں پوزیشن کے میچ میں کینیڈا نے ملائیشیا کو شکست دی۔

 

پرنٹ یا ایمیل کریں

Leave a comment