ایمز ٹی وی (اسپورٹس )بھارتی ون ڈے کپتان ویرات کوہلی نے سری لنکا کیخلاف پانچ ون ڈے میچوں کی سیریز میں 330 رنز بنا کر ون ڈے کرکٹ کی رینکنگ میں اپنی ٹاپ پوزیشن مزید مضبوط کرلی۔ ٹی ٹوئنٹی میں بھی سرفہرست پوزیشن کے مالک بھارتی بیٹسمین نے آسٹریلیا کے ڈیوڈ وارنر کیخلاف اپنی بارہ پوائنٹس کی برتری کو 26 تک پہنچا دیا اور مجموعی طور پر 887 ریٹنگ پوائنٹس کے ساتھ سب سے بہترین بھارتی بیٹسمین بھی قرار پائے اور اسی دوران انہوں نے سچن ٹنڈولکر کا سابقہ ریکارڈ بھی برابر کر دیا جو 1998ء میں 887 ریٹنگ پوائنٹس کے مالک بنے تھے ۔