ایمزٹی وی(اسپورٹس)پی سی بی نے کپتان ویمن قومی کرکٹ ٹیم ثنا میر کو پی سی بی ویمن ونگ کیخلاف بیان دینے پر نوٹس بھجوانے کا فیصلہ کر لیا۔
میڈیارپورٹس کے مطابق کپتان قومی ویمن کرکٹ ٹیم کے بیان کے بعد پی سی بی نے ایکشن لینے کا فیصلہ کیا ہے ،جس کے تحت ثنامیر کو اپنے بیان کی وضاحت دینی ہوگی ،اگر ان کاجواب تسلی بخش نہ ہوا تو ان کے خلاف سخت کارروائی کاامکان ہے۔
واضح رہے کچھ روز قبل ثنامیر کی ایک ای میل لیک ہوئی تھی جو انہوں نے اپنے ساتھی کھلاڑیوں کو دورہ نیوزی لینڈکی تیاریوں میں لگے کیمپ میں شامل نہ ہونے کے بعد کی تھی ۔جس میں ثنا میر نے الزام لگایا تھا کہ موجودہ ویمن ونگ خواتین کھلاڑیوں کی عزت نہیں کرتا،اسی وجہ سے میں ان کے ساتھ کام نہیں کر سکتی اور نہ ہی میں نیوزی لینڈکا دورہ کروں گی۔