Print this page

پاکستان ایشین جونیئراسکواش چیمپئن بن گیا

پتایا: پاکستان ایشیئن جونیئر اسکواش چیمپیئن شپ کے فائنل میں روایتی حریف بھارت کو شکست دے کر چیمپیئن بن گیا۔

تھائی لینڈ کے شہر پتایا میں منعقدہ ایشیئن جونیئر اسکواش چیمپیئن شپ کا فائنل بھارت اور پاکستان کے درمیان کھیلا گیا جس میں پاکستان نے روایتی حریف بھارت کو 0-2 سے شکست دی۔
پاکستانی کھلاڑی فرحان ہاشمی اور عباس زیب نے فائنل میں شاندار کھیل کا مظاہرہ کیا اور جیت اپنے نام کی۔
پہلے فائنل میں فرحان ہاشمی نے بھارت کے ویر چوٹرانی کو 2-3 سے شکست دی، انہوں نے میچ 2-11، 9-11، 7-11، 11-5، 9-11 سے جیتا۔
جب کہ عباس زیب نے بھارتی حریف اتکرش بیہانی کے خلاف 0-3 سے فتح سمیٹی، انہوں نے دوسرے فائنل میچ میں 4-11، 2-11، 6-11 سے بھارتی کھلاڑی کو شکست دی۔
پاکستانی کھلاڑیوں نے چیمپئن شپ کا ٹائٹل جیتنے کے بعد پاکستان زندہ باد کے نعرے لگائے اور سجدہ شکر بھی ادا کیا۔

 

پرنٹ یا ایمیل کریں