Print this page

بابر اعظم کے پانچ سالہ مداح کا مضمون سوشل میڈیا پر وائرل

 
 
 
لاہور : پاکستان کے اسٹار بیٹسمین بابر اعظم کے پانچ سالہ مداح نے اپنے پیار بھرے جذبات کا اظہار کردیا، آسکر کا کہنا ہے کہ بابر اعظم میرے پسندیدہ کرکٹر ہیں، گزشتہ سال ان سے ملاقات ہوئی وہ بہت مہربان انسان ہیں۔
 
تفصیلات کے مطابق ٹی ٹوئنٹی کے نمبرون بیٹسمین اور کراچی کنگز کے اوپنر بابراعظم کو انگلینڈ سے تعلق رکھنے والے ان کے ننھے پرستار نے ایک تعریفی پیغام بھیجا جس نے بابر اعظم کا دل جیت لیا۔
 
ننھے پرستار نے اپنے پسندیدہ بیٹسمین پر ایک معصومانہ مضمون لکھا، اس مضمون کو سمرسٹ کاؤنٹی نے سوشل میڈیا پر جاری کردیا جس صارفین نے بھی ٓبے حد سراہا۔
 
 
 
پانچ سالہ اسکر کا اپنے ہاتھ سے لکھے گئے پیغام میں کہنا تھا کہ بابر اعظم میرے پسندیدہ کرکٹر ہیں، ان کا تعلق پاکستان سے ہے اور وہ 25 سال کے ہیں، گزشتہ سال پیر کا آپریشن کرانے کے بعد میں نے اپنے پسندیدہ کھلاڑی سے ملاقات کی تھی، بابر اعظم انتہائی ملنساری سے ملے۔
 
ننھے مداح نے لکھا کہ بابر اعظم ٹی ٹوئنٹی کے بہترین کھلاڑی ہیں کیونکہ وہ بہت اچھے شاٹس کھیلتے ہیں۔ بابر اعظم نے اس پیغام کا جواب دیتے ہوئے آسکر کا شکریہ ادا کیا اور لکھا کہ راک اسٹار میں بھی آپ سے ملنے کا منتظر ہوں۔
 
 
بابراعظم نے آسکر کو دل لگا کر پڑھنے کا مشورہ بھی دیا۔ آئی سی سی کی جنب سے بابراعظم کے اس اقدام کو سراہا گیا ہے۔

پرنٹ یا ایمیل کریں