کراچی: ٹی ٹوئنٹی سیریز کے لیے جنوبی افریقا کے خلاف پاکستانی اسکواڈ کے انتخاب کے لیے سلیکٹرز نے ابتدائی مشاورت مکمل کرلی ہے

ذرائع کا کہنا ہے کہ ٹیسٹ کرکٹ کے بعد مختصر فارمیٹ میں بھی ڈومیسٹک پرفارمرز کو شامل کیے جانے کا امکان ہے۔

ذرائع کے مطابق ، انجرڈ شاداب خان کی کمی پوری کرنے کیلیے ڈومیسٹک پرفارمر زاہد محمود کو شامل کیا جائے گا،دورہ نیوزی لینڈ میں ڈیبیو پر ناکام رہنے والے عبداللہ شفیق کی جگہ فخرزمان، ان فارم عثمان قادر برقرار رہیں گے،۔

ابتدائی فہرست میں، ذیشان بٹ، شرجیل خان، صہیب مقصود،، عماد بٹ، اعظم خان اور عامر یامین کے نام بھی شامل ہیں۔

سینئر پیسر وہاب ریاض کو آرام دے کر حسن علی کو شامل کیا جاسکتا ہے، ٹی ٹوئنٹی سیریز کیلیے اسکواڈ کا اعلان کراچی میں جاری پہلے ٹیسٹ کے اختتام پر متوقع ہے۔