مظفر آباد میںکے پی ایل کی رنگارنگ افتتاحی تقریب کے ساتھ شروع ہونے والے افتتاحی میچ میں میر پور رائلز نے ٹاس جیت کر بولنگ کا فیصلہ کیا۔

راولاکوٹ ہاکس کے اوپنرز نے 125 رنز کی شراکت قائم کردی.

بسم اللہ خان نے 4 چھکوں اور 4 چوکوں کی مدد سے 42 گیندوں پر 59 رنز بنائے انھیں عماد بٹ نے بولڈ کرکے اپنی ٹیم کو پہلی وکٹ دلائی پیسر نے عمرامین کا 4 رنز پر شکار کرنے کیلیے ثمین گل کی معاونت لی۔

فٹنس مسائل کے بعد کرکٹ میں واپس آنے والے احمد شہزاد 4 چھکوں اور 7 چوکوں سے مزین 69 رنز بناکر خوشدل شاہ کی گیند پر محمد طلحہ کو کیچ دے بیٹھے انھوں نے اس دوران 42 گیندوں کا سامنا کیا۔دانش عزیز صرف 2 رنز بناکر عماد بٹ کی تیسری وکٹ بن گئے۔ انھوں نے وکٹ کیپر محمد اخلاق کو کیچ دیا۔

زبردست تالیوں کی گونج میں میدان کا رخ کرنے والے شاہد آفریدی نے 2 چھکوں سمیت 16 رنز بنائے تھے کہ سلمان ارشاد نے بیلز فضا میں بکھیر دیں۔سلمان ارشاد نے آصف آفریدی کو بولڈ کیا۔ حسین طلعت 18 اور کاشف علی ایک رن بناکر ناٹ آؤٹ رہے.

راولا کوٹ ہاکس نے 6 وکٹ پر 194 ما مجموعہ حاصل کیا۔عماد بٹ نے 20 رنز دے کر 3 شکار کیے, سلمان ارشاد 2 وکٹیں لے اڑے۔ ثمین گل48اور محمد عرفان 40رنز دے کر وکٹ سے محروم رہے۔