ایمزٹی وی (اسپورٹس)پاکستان کرکٹ ٹیم کے سابق کپتان اور آئی سی سی چیمپینز ٹرافی کے ہیرو اظہرعلی وطن واپس پہنچ گئے ہیں۔
اوپننگ بلے باز اظہر علی نجی ائیرلائن کی پرواز ای کے 622 کے ذریعے علامہ اقبال انٹرنیشنل ائیرپورٹ پہنچے جہاں ان کے خاندان والوں اور دیگر احباب نے شاندار استقبال کیا۔ اس موقع پر میڈیا سے گفتگو کرتے ہوئے اظہر علی کا کہنا تھا کہ چیمپیئنز ٹرافی میں پہلی مرتبہ کامیابی میں مجھ سمیت سب کی محنت شامل ہے۔
ٹورنامنٹ میں ابتدائی میچ میں ہار کے بعد جنوبی افریقہ سے میچ کے بعد جیت کا ردھم بنا اور اللہ کی مہربانی اورقوم کی دعاوں سے کامیاب ہوئے جس پر اللہ کا شکر ادا کرتا ہوں۔