ایمزٹی وی(بزنس)عالمی ادارہ خوراک وزراعت (ایف اے او) نے پاکستان سے کینو کی ایکسپورٹ اور پیداوار بڑھانے کے لیے اپنے مکمل تعاون کا یقین دلادیا، اس سلسلے میں کینیاکے شہر نیروبی میں وفاقی وزیر تجارت خرم دستگیرکے ساتھ اجلاس میں اقوام متحدہ کے ذیلی ادارے برائے خوارک وزراعت (ایف اے او) کے وفد نے کینو کی پیداوار اور ایکسپورٹ بڑھانے میں مدد دینے کا وعدہ کرلیا ہے۔ اس تعاون کے نتیجے میں کینو کے کاشت کاروں اور ایکسپورٹر کی صلاحیت میں واضح اضافہ ہو گا اور اس سے علاقے میں خوشحالی آئے گی۔ علاوہ ازیں نیروبی میں ہی دوسرا اہم اجلاس ایرانی وزیر تجارت سے ہوا جس میں کینو کی ایکسپورٹ کے بارے میں تفصیل سے بات چیت ہوئی۔وفاقی وزیر تجارت خرم دستگیر نے کینو کی ایکسپورٹ پر پابندی اٹھانے پر زور دیا ۔ جس پر ایرانی وزیر نے ان سے وعدہ کیا کہ اگر مکمل پابندی نہیں اٹھائی جاسکی تب بھی پاکستان سے رواں سال کینو کی کچھ مقدار ضروردرآمد کی جائے گی۔ وزیرتجارت نے کہا کہ کینیا کا دورہ ہمارے لیے کارگر ثابت ہوا ہے اورہم نے کینو کے کاشت کاروں کے لیے 2 خوشخبریاں دی ہیں۔