ایمز ٹی وی( تجارت) عالمی منڈی میں خام تیل کی قیمتوں میں ڈھائی فیصد کے قریب کمی ہوئی ہے ، یو ایس خام تیل کے فی بیرل سودے 50ڈالر سے بھی کم پر بند ہوئے ۔

نیویارک کی مرکنٹائل ایکسچینج میں یوایس خام تیل کی فی بیرل قیمت میں 1.16 ڈالرکی کمی ہوئی اور مستقبل کے سودے 49.77سینٹپر بند ہوئے جبکہ برینٹ خام تیل کی فی بیرل قیمت میں90سینٹ کی کمی ہوئی اور مستقبل کے فی بیرل سودے 53.3ڈالر میں ہوئے ۔

دوسری جانب وینزویلا کے وزیر تیل اور تیل پیدا کرنے والے ممالک کے رکن کا کہنا ہے کہ اوپیک تیل کی قیمتوں میں درمیانہ اضافہ چاہتی ہے تاکہ تیل پیدا کرنے والے ممالک کو نقصان نہ اٹھانا پڑے ۔