ایمزٹی وی (تعلیم/ کراچی)اردو یونیورسٹی بچاؤ کمیٹی کے زیر اہتمام بھوک ہڑتالی کیمپ 14دن بھی جاری رہا جس میں جامع اردو کے اساتذہ ، صحافی برادری کے افراد اور مختلف سیاسی اور سماجی شخصیات نے شرکت کی جن میں ڈاکٹر محمد افتخار طاہری ، ڈاکٹر محمد وسیم الدین ، ڈاکٹر اصغر دستی، ڈاکٹر محمد علی ورثانی، ڈاکٹر طاہر علی، ڈاکٹر عرفان عزیز ، ڈاکٹر عارف زبیر، ڈاکٹر کمال جامڑو، ڈاکٹر عبد المالک ، ڈاکٹر ریاض ، ڈاکٹر توصیف احمد خان ، ڈاکٹر عبد الماجد، ڈاکٹر یاسمین سلطانہ ، ڈاکٹر سحر افشاں،ڈاکٹر کوثر سلطانہ ، پروفیسر ممنون، پروفیسر محمد حارث، پروفیسر محمد ریحان و دیگر نے شرکت کی اور اپنے بھر پور حمایت کا یقین دلایا۔
دریں اثناء اس سلسلے میں اردو یونیورسٹی بچاؤ کمیٹی نے اپنے بیان میں صدر پاکستان سے مطالبہ کیا ہے کہ وہ اردو یونیورسٹی کے قائم مقام وائس چانسلر کو عہدے سے فوری طورسبکدوش کریں۔ ہائیر ایجوکیشن کمیشن ، کراچی یونیورسٹی ، قومی اسمبلی، سینیٹ آف پاکستان جیسے اعلیٰ قومی ادارے اردو یونیورسٹی میں فوری طور پر مستقل وائس چانسلر کی تعیناتی کا مطالبہ کر چکے ہیں۔