Print this page

پنجاب یونیورسٹی نے آن لائن داخلہ فارم و فیس جمع کرانےکی نئی تاریخ کااعلان کردیا

لاہور: پنجاب یونیورسٹی نے آن لائن داخلہ فارم و فیس جمع کرانےکی تاریخ میں توسیع کردی۔

پنجاب یونیورسٹی شعبہ امتحانات نے ایسو سی ایٹ ڈگری آرٹس /سائنس /کامرس پارٹ ون اور پارٹ ٹواور بی اے (سماعت سے محروم) سالانہ2022ء کے آن لائن داخلہ فارم و فیس جمع کرانے کی تاریخ میں توسیع کا شیڈول جاری کر دیاہے ۔

تفصیلات کے مطابق تمام ریگولر،لیٹ کالج، پرائیویٹ ، امپرووڈویژن، اضافی مضامین اور خصوصی کیٹیگریز(ایم بی بی ایس، بی ڈی ایس، فارم ۔

ڈی، جنرل نرسنگ ، فاضل اور وفاق المدارس ) کے امیدوار اب سنگل فیس کے ساتھ آن لائن فارم29اپریل2022ء تک جمع کروا سکتے ہیں۔

امیدواروں کومطلع کیا جاتا ہے کہ تمام داخلے آن لائن ہوں گے اور داخلہ فارم دستی اور بذریعہ ڈاک کسی صورت وصول نہیںکیا جائے گا۔ تفصیلات پنجاب یونیورسٹی کی ویب سائٹ www.pu.edu.pk  پر دیکھی جا سکتی ہیں۔

پرنٹ یا ایمیل کریں