ایمزٹی وی(تعلیم)محکمہ تعلیم راولپنڈی نے ضلع بھر کے سرکاری اسکولوں کے ہیڈز ، اساتذہ ، کلیریکل اورنان کلیریکل اسٹاف کو موسم گرما کی چھٹیوں کے باوجود اسکولوں میں طلب کرلیا،غیر حاضر ہونے والے عملے کے خلاف محکمانہ اور پیڈایکٹ کے تحت کارروائی ہوگی۔ تفصیلات کے مطابق ای ڈی او ایجوکیشن قاضی ظہور الحق نےاسکولوں میں مردوخواتین اساتذہ ، کلیریکل اوردرجہ چہارم کے ملازمین کی ہر پیر کواسکولوں میں حاضری کویقینی بنانے کی ہدایت کی ہے کیونکہ صوبائی حکومت کی ہدایات ہیں کہ ڈینگی کے خلاف مہم میں اسکول اسٹاف کی چھٹیاں منسوخ کریں۔ پنجاب ٹیچرزیونین ، پنجاب ایس ای ایس ٹیچر ایسوسی ایشن،ایجوکیٹرزایسوسی ایشن ، پرائمری ایلمینٹری ٹیچر زایسوسی ایشن اوردیگر اساتذ ہ تنظیموں نے فیصلہ پر احتجاج کیا ہے۔