ایمزٹی وی(تعلیم) وفاقی اردو یونیورسٹی اسلام آباد کیمپس کے عہدیداروں نے گزشتہ روز وائس چانسلر سلیمان ڈی محمد کو عہدے سے ہٹانے کے لئے احتجاجی مظاہرہ کیا ،مظاہرین کا کہنا تھا کہ موجودہ وائس چانسلر سلیمان ڈی محمد کی پی ایچ ڈی کی ڈگری چربہ ثابت ہو چکی ہے ، ان کے خلاف ایچ ای سی کی جانب سے ایوان صدر اور عدالت عالیہ میں جمع کرائی گئی رپو رٹ کی روشنی میں انہیں فی الفور بر طرف کیا جائے اور اس پو سٹ پر کسی غیر متنازعہ شخص کو تعینات کیا جائے ۔
انہوں نے صدر پاکستان ، چیئرمین قائمہ کمیٹی برائے تعلیم و تربیت اور چیئرمین ایچ ای سی سے مطالبہ کیا کہ خلاف ضابطہ تقرریوں ، غیر قانونی جاری کردہ ٹینڈرز کی تحقیقات کرائی جائیں۔