ایمزٹی وی(لاہور/تعلیم)محکمہ اسکولز ایجوکیشن پنجاب کی جانب سے تمام اضلاع کے ای ڈی اوز کو احکامات جاری کئے گئے ہیں کہ غیر رجسٹرڈ نجی تعلیمی اداروں کیخلاف کریک ڈاﺅن کیا جائے تاکہ سکیورٹی اداروں کو کومبنگ آپریشن کے دوران کسی پریشانی کا سامنا نہ کرنا پڑے ۔حکام کا کہنا ہے کہ غیر رجسٹرڈ نجی تعلیمی اداروں کو متعدد بار وارننگ بھی دی جا چکی ہے اور یہ فیصلہ اسکولوں کی سکیورٹی کے پیش نظرکیا گیا ہے ۔محکمہ اسکولز ایجوکیشن کے حکام کا کہنا ہے کہ لاہور اور صوبہ بھر میں ایسے ہزاروں اسکول موجود ہیں جو رجسٹرڈ نہیں ہیں۔