ایمزٹی وی(کھیل) سولہ سالہ پاکستانی شاطر مہک گل نے آذر بائیجان میں ویمن کینڈی ڈیٹ ٹائٹل جیت لیا ہے ۔ مہک گل ٹائٹل جیتنے والی پاکستان کی کم عمر ترین کھلاڑی ہیںِ ۔ شطرنج کا ایونٹ یکم ستمبر سے تیرہ ستمبر تک آذر بائیجان میں ہوا ۔ ایونٹ میں ڈیڑھ سو ممالک کے کھلاڑی شریک ہوئے ۔ ایونٹ کے اختتام پر کل بیاسی کھلاڑیوں کو ویمن کینڈی ڈیٹ ٹائٹل سے نوازا گیا ۔ پاکستان کی جانب سے شطرنج کے ایونٹ میں پانچ رکنی ٹیم نے حصہ لیا جس میں سے کامیابی صرف مہک گل کے حصے میں آئی ۔