ایمز ٹی وی ( کراچی ) اعلیٰ ثانوی تعلیمی بورڈ کراچی کے ناظم امتحانات محمد عمران خان چشتی نے سائنس، آرٹس ، کامرس ، ڈپلومہ ان فیزیکل ایجو کیشن اور میڈیکل ٹیکنالو جی کے انرولمنٹ فارمز جمع کرانے کی تاریخوں کا اعلان کر دیاہے۔ تفصیلات بتاتے ہوئے محمد عمران خان چشتی نے کہا کہ انڑ میڈیٹ کے سالانہ امتحانات برائے 2017 میں حصہ لینے کے خواہشمند ان تمام شعبوں میں اپنے انرولمنٹ فارمز750 روپے فیس کے ساتھ 26ستمبر2016 سے 25 اکتوبر2016 تک اپنے کا لجوں میں جمع کرواسکتے ہیں۔ جبکہ کالج پرنسپلز کو ہدایت دی گئی ہے کہ وہ تمام امیدواروں کے انرولمنٹ فارم اور پے آرڈرز27 اکتوبراور28اکتوبر2016، تک انڑ بورڈ آفس کے انرولمنٹ سیکشن سے ضروری تصدیق کے بعد بورڈ کے اکاﺅنٹس سیکشن میں جمع کرواسکتے ہیں۔