ایمز ٹی وی(کراچی) کراچی کی خواتین کے لئے کڑے امتحان کا وقت آن پہنچا ہے ، سندھ حکومت نے موٹر سائیکل سوار خواتین کو بھی ہیلمٹ پہننے کا پابند کر دیا ہے ۔ خواتین کا کہنا ہے کہ یہ قانون منظور ہے لیکن ہیلمٹ فیشن ایبل ہونا چاہئے۔

کراچی میں ایک بار پھرخواتین پر ہیلمٹ پہننا لازمی قرار دے دیا گیا ہے ۔ بیشتر خواتین سندھ حکومت کے اس قانون سے پریشان ہیں ۔ ان کا کہنا ہے کہ سوسائٹی میں اس قانون پر عمل درآمد مشکل ہے ، موٹر سائیکل پر ہیلمٹ پہنے خواتین کا لوگ مذاق اڑائیں گے ۔ جبکہ کچھ خواتین ہیلمٹ پہننے پر راضی ہیں لیکن ان کا بھی کہنا ہے کہ ہیلمٹ اسٹائلش اور فیشن ایبل ہونا چاہیے ۔

خواتین کی حفاظت کے لیے ہیلمٹ پہننے کا پابند کرنے کے لئے آگاہی مہم کی ضرورت ہے تاکہ خواتین ہچکچائے بغیر اس قانون پر عمل کر سکیں