ایمز ٹی وی ( تعلیم) محکمہ تعلیم سندھ میں ایمرجنسی کے پول کھل گئے۔ گڑھی خیرو کے گوٹھ عبدالکریم بروھی پرائمری اسکول کے طلباء کھلے آسمان تلے زمین پر بیٹھ کر تعلیم حاصل کرنے پہ مجبور، کسی نے بھی نوٹس لینے کی زحمت نہیں کی۔
رپورٹ کے مطابق گڑھی خیرو کے نواحی گوٹھ عبدالکریم بروھی میں گورنمنٹ پرائمری اسکول عبدالکریم بروھی کے طلباء و طالبات بلڈنگ کی زبوں حالی کی وجہ سے جدید دور میں بھی گرمی چاہے سردی میں کھلے آسمان تلے زمین پر بیٹھ کر تعلیم حاصل کرنے پہ مجبور ہیں۔
اس کے علاوہ یہ اسکول فرنیچر، واش رومز، چاردیواری، میٹھے پانی اور بجلی سمیت تمام تر بنیادی سہولیات سے بھی محروم ہے، شدید گرمی میں دھوپ پر بیٹھ کر تعلیم حاصل کرنے کی وجہ سے بچے خارش سمیت دیگر جلدی امراض مبتلا ہوگئے ہیں۔