ایمز ٹی وی ( تعلیم) ثانوی واعلیٰ ثانوی تعلیمی بورڈ سکھر کے ناظم امتحانات کی جانب سے جاری اعلامیہ کے مطابق سپلیمنٹری امتحان کا شیڈول جاری کردیا گیا۔

اعلامیہ کے مطابق ہائیرسیکنڈری سرٹیفکیٹ پارٹ ٹو کلاس بارہویں کے تمام گروپس کے سپلیمنٹری امتحان 2016کے سلسلے میں امتحانی فارم حاصل کرنے اور جمع کرانے کی تاریخو ں کا شیڈول جاری کردیاگیا ہے۔

خواہشمند اہل امیدوار31اکتوبر تک بغیر لیٹ فیس کے فارم جمع کراسکتے ہیں جبکہ 1نومبر سے9نومبر تک 500روپے لیٹ فیس سے فارم وصول کیے جائینگے۔ 10نومبر سے 21نومبر تک 1000روپے لیٹ فیس کے ساتھ فارم وصول کیے جائینگے ۔

تعلیمی بورڈ سکھر کی جانب سے ہائیر سیکنڈری سرٹیفکیٹ پارٹ ٹو بارہویں کلاس کے تمام گروپس کے فی کس امیدوار کے لیے ٹوٹل 1350روپے فیس مقرر کی گئی ہے جس میں 850روپے امتحانی فیس،100روپے اسپورٹس فیس، 300روپے مارکس سرٹیفکیٹ اور100روپے فارم فیس شامل ہے۔