ایمز ٹی وی( تعلیم/راولپنڈی) نجی اسکولوں کی بلڈنگ، بچوں ، اساتذہ کی تعداد ،ان کی تعلیم سمیت دیگر معلومات اکٹھی کی جائینگی، سروے 15نومبر تک جاری رہیگا ۔

راولپنڈی میں نجی تعلیمی اداروں کا ڈیٹا بیس بنانے کے لئے اسکول شماری پروگرام شروع، نجی فرم سروے کرے گی،ٹھیکہ دے دیا گیا جسے محکمہ تعلیم راولپنڈی دیہی علاقوں میں فی اسکول 150اور شہری علاقوں میں فی اسکول 125روپے اداکرے گا۔

صوبائی حکومت پنجاب کی ہدایت پر محکمہ تعلیم راولپنڈی نے ضلع بھر کے پرائیویٹ تعلیمی اداروں کا ڈیٹا اکٹھا کرنے کے لئے اسکول شماری پروگرام شروع کردیا ہے اس سلسلے میں نجی اسکولوں کا ڈیٹا اکٹھا کرنے کے لئے پرائیویٹ فرم سیم انٹرنیشنل کی خدمات حاصل کرلی گئیں۔

اس فرم کو محکمہ تعلیم ضلع بھر میں نجی اسکولوں کا ڈیٹا اکٹھا کرنے کے لئے لاکھوں روپے اداکر ے گا جس کے تحت محکمہ تعلیم اور فرم کے درمیان معاہدہ بھی طے پاگیاہے ۔

نجی اسکولوں کی بلڈنگ، بچوں ، اساتذہ کی تعداد ،ان کی تعلیم سمیت دیگر معلومات اکٹھی کی جائیں گی ۔