ایمز ٹی وی ( لاہور ) چیف جسٹس لاہور ہائیکورٹ جسٹس سید منصور علی شاہ نے کہا ہے کہ بار ایسوسی ایشنز اگر ساتھ دیں تو قتل کے مقدمات کا فیصلہ چھ ماہ میں ممکن ہو سکتا ہے ۔ اگر ایسا ہو جائے تو پھر دیکھیں ملک کہا ں سے کہاں پہنچ جائے گا۔
لاہور ہائی کورٹ کی 150 سالہ تقریبات کے سلسلے میں جوڈیشری کا کرکٹ میچ ہوا۔ اس موقع پر خطاب کرتے ہوئے مہمان خصوصی چیف جسٹس منصور علی شاہ کا کہنا تھا کہ جوڈیشری کا کام بہت حساس ہوتا ہے اس کے لیے ایک صحت مند دماغ کاہونا ضروری ہے ۔
خواتین کو چاہیے کہ وہ اپنے مردوں کو گھروں سے ایکسرسائز کے لیے نکالیں ۔ وہ بھی اپنی والدہ کے کہنے پر روزانہ ایکسر سائز کرتے ہیں ۔
چیف جسٹس لاہور ہائی کورٹ کا کہنا تھا کہ جوڈیشری کے کام کو اولیت دیں اور قتل کے مقدمات کا فیصلہ چھ ماہ کے اندر کریں۔
چیف جسٹس سید منصور علی شاہ نے جوڈیشری کرکٹ ٹیموں کا میچ دلچسپی سے دیکھا اور کھلاڑیوں میں انعامات تقسیم کئے۔ اس موقعے پر پولیس بینڈ[نے دلکش دھنیں بجائیں۔