ی
ایمزٹی وی(اسپورٹس)آسٹریلیا میں باکسنگ ڈے ٹیسٹ سے قبل دہشتگردی کی مبینہ کوشش ناکام بنائے جانے کے بعد پاکستانی کرکٹ ٹیم کی سکیورٹی مزید سخت کر دی گئی۔

میڈیا رپورٹ کے مطابق آسٹریلوی پولیس نے دعوی کیا ہے کہ کرسمس کے موقع پر میلبورن میں دہشتگردی کا بڑا حملہ ناکام بناتے ہوئے 7 افراد کو گرفتار کرلیا گیا ہے۔ دوسری جانب کرکٹ آسٹریلیا نے اپنے اعلامیے میں کہا ہے کہ ہم میچ کے بااحسن انداز میں انعقاد کے لیے وکٹوریہ پولیس اور وفاقی سیکیورٹی ایجنسیز کے ساتھ مل کر کام کر رہے ہیں۔

پاکستان سے باکسنگ ڈے ٹیسٹ اور دیگر میچز کا پرامن ماحول میں انعقاد ہماری اولین ترجیح ہے، کھلاڑیوں، شائقین اور میچ آفیشلز کی سکیورٹی کو ہر حال میں ممکن بنایا جائے گا۔ آسٹریلوی حکام کا کہناہے کہ مقامی اور غیر ملکی کرکٹرز کی سکیورٹی پر ہرگز کوئی سمجھوتہ نہیں کیا جا سکتا اور اس تناظر میں سکیورٹی کے غیر معمولی انتظامات کئے گئے ہیں۔