ایمزٹی وی (تجارت)پاکستان اسٹاک ایکسچینج (پی ایس ایکس) میں شدید ترین مندی کے رجحان کے باعث کے ایس ای 100 انڈیکس 49 ہزار 964 پوائنٹس پر پہنچ گیا۔
تفصیلات کے مطابق 50 ہزار ایک سو کی نفسیاتی حد عبور کرنے والے کے ایس ای 100 انڈیکس میں جمعہ کے روز شدید مندی کا رجحان رہا اور انڈیکس میں 228 پوائنٹس کی کمی ہوگئی جس کے باعث انڈیکس 49 ہزار 964 پوائنٹس پر پہنچ گیا۔
کے ایس ای 100 انڈیکس میں مجموعی طور پر 38 کروڑ 44 لاکھ 99 ہزار 940 شیئرز کی خرید و فروخت ہوئی جن کی مارکیٹنگ ویلیو 22 ارب 45 کروڑ 91 لاکھ 68 ہزار 431 روپے رہی ۔پی ایس ایکس میں مجموعی طور پر 398 کمپنیز کے شیئرز کا لین دین ہوا جن میں سے 140 کمپنیوں کے حصص کی قیمتوں میں اضافہ، 245 میں کمی اور 13 کے حصص کی ویلیو مستحکم رہی ہے۔