ایمز ٹی وی(کراچی) 462ارب کی کرپشن میں ملوث پیپلز پارٹی کے رہنما ڈاکٹرعاصم حسین نے کہا ہے کہ باہر کے علاج بڑے لوگوں کیلئے ہیں ،مجھے تو مال غنیمت سمجھتے ہیں ۔
ڈاکٹر عاصم حسین کو 462ارب کے کرپشن کیس میں پیشی کیلئے وہیل چیئر پر بیٹھا کر احتساب عدالت پہنچایا گیا جہاں میڈیا سے غیر رسمی بات کرتے ہوئے انہوں نے کہا کہ کمر میں تکلیف ہے لہذٰا میر اعلاج کرایا جائے۔”میرا علاج لیاری میں بھی ہو سکتا ہے تو کرایا جائے “۔
پیپلز پارٹی کے رہنما اور سابق مشیر پٹرولیم کا کہنا تھا کہ جو کہتا ہے میرا علاج پاکستان میں ہو سکتا ہے وہ عدالت کو بتا دے ۔
صحافی نے سوال کیا کہ آپ تو بڑے آدمی ہیں اپنا علاج باہر سے بھی کراسکتے ہیں تو انہوں نے کہا کہ باہر کے علاج بڑے لوگوں کیلئے ہیں اور مجھے تو مال غنیمت سمجھتے ہیں ۔