ایمزٹی وی(راولپنڈی) چیف آف آرمی اسٹاف کی زیر صدارت 199 ویں کور کمانڈرز کا اجلاس ہوا۔ اجلاس سے خطاب کرتے ہوئے آرمی چیف جنرل قمر جاوید باجوہ نے کہاہے کہ سیز فائر کی بھارتی خلاف ورزی علاقائی استحکام کیلئے سنگین خطرہ ہے ، دہشتگردی کیخلاف آپریشن مطلوبہ اہداف تک جاری رہے گا ۔
آئی ایس پی آر کے مطابق اجلاس میں آپریشن ضرب عضب سے حاصل ہونے والے اب تک کے نتائج اور اندرونی و بیرونی سیکیورٹی صورتحال اور درپیش چیلنجز کا جائزہ لیا گیا ۔اس موقع پر آرمی چیف نے ہدایات جاری کرتے ہوئے کہا کہ دہشتگردی کیخلاف آپریشنز مطلوبہ اہداف تک جاری رہے گا ۔
Corps Comds Conf. Expressed satisfaction on progress of CT / Intel based ops. "Ops will cont till achievement of desired end state",#COAS. pic.twitter.com/g00cdzCtFr
— Maj Gen Asif Ghafoor (@OfficialDGISPR) February 8, 2017
کورکمانڈر کانفرنس میں انسداد دہشت گردی اور انٹیلی جنس آپریشنز میں پیش رفت پر اظہار اطمینان کیا گیا جبکہ کابل میں ہونے والے حملے پر اظہار مذمت کرتے ہوئے مشکل کی اس گھڑی میں افغان عوام اور سیکیورٹی فورسز سے اظہار یکجہتی کیا گیا ۔
اس موقع پر شرکاءکا کہناتھا کہ سیز فائر کی بھارتی خلاف ورزی علاقائی استحکام کیلئے سنگین خطرہ ہے ۔واضح رہے کہ گزشتہ روز ایل او سی کے کھوئی رٹہ سیکٹر پر دوپہر کے وقت بھارت کی بلااشتعال فائرنگ کے نتیجے میں 25 سالہ مزدور نوجوان اشفاق جاں بحق ہوگیا تھا۔
Corps Comds Conf. Indian CFVs potential threat to regional stability. Condemned Ts incidents in Afg,expressed solidarity with Afg ppl/forces pic.twitter.com/9eobs3dJHr
— Maj Gen Asif Ghafoor (@OfficialDGISPR) February 8, 2017