ایمز ٹی وی(خانیوال) خانیوال میں لڑکے اور لڑکی نے پسند کی شادی نہ ہونے پر خودکشی کر لی ۔
خانیوال کے رہائشی نوجوان لڑکے اور لڑکی نے پسند کی شادی کیلئے گھر والوں کی رضامندگی نہ ہونے پر دلبرداشتہ ہو کر خودکشی کر لی ۔دونوں آپس میں قریبی رشتہ دار تھے۔
ذرائع کا کہنا ہے کہ لڑکا لڑکی ایک دوسرے کو پسند کرتے تھے اور شادی کرنا چاہتے تھے تاہم دونوں کے خاندان اس بات پر رضامند نہیں تھے جس پر آج لڑکے نے دلبرداشتہ ہو کر گلے میں پھندا ڈال لیا جس کی خبر ملتے ہی لڑکی گھر سے باہر نکلی اور چلتی ٹرین کے سامنے آگئی ۔دونوں کی لاشیں ہسپتال منتقل کر دی گئی ہیں ۔
پولیس حکام کا کہناہے کہ بظاہر واقعہ پسند اور نہ پسند کا لگتا ہے تاہم دونوں کے گھر والوں سے تفتیش کی جائے گی جس کے بعد حقائق کا پتہ چل سکے گا