ایمزٹی وی(اسپورٹس)وزیر اعظم نواز شریف نے اپنا کہا سچ ثابت کردیا، قومی باکسر محمد وسیم کو 25 لاکھ روپے کی انعامی رقم سے نواز دیا۔
تفصیلات کے مطابق کوئٹہ سے تعلق رکھنے والے قومی باکسر محمد وسیم نے سلور فلائی ویٹ چیمپیئن شپ جیتی تھی جس پر وزیر اعظم نواز شریف کی قائم کردہ کمیٹی نے ان کیلئے تین ماہ پہلے 25 لاکھ روپے کی انعامی رقم کی منظوری دی تھی ۔
پاکستان اسپورٹس بورڈ نے وزیر اعظم کا وعدہ پورا کرتے ہوئے محمد وسیم کو آج انعامی رقم سے نواز دیا ہے۔ باکسر محمد وسیم ان دنوں امریکہ میں ٹریننگ کر رہے ہیں اس لیے رقم ان کے اکاﺅنٹ میں ٹرانسفر کی گئی۔