ایمز ٹی وی(تجارت) عالمی مارکیٹ میں سونے کی قیمتوں میں ملا جلا رجحان رہا۔ غیر ملکی خبر رساں ایجنسی کے مطابق عالمی مارکیٹ میں سونے کی قیمتوں میں ملا جلا رجحان رہا۔ لندن میں اسپاٹ گولڈ کی قیمتوں میں معمولی کمی ریکارڈ کی گئی اور مستقبل میں خریداری کے معاہدے 1200.70 ڈالر فی اونس میں طے پائے۔
ایک مرحلے پر قیمتیں 1194.55 ڈالر فی اونس تک گر گئیں جو 31 جنوری کے بعد سونے کی کم ترین قیمت ہے۔ سنگاپور میں اسپاٹ گولڈ کی قیمتوں میں 0.4 فیصد کی کمی ریکارڈ کی گئی اور مستقبل میں خریداری کے معاہدے 1196.21 ڈالر فی اونس میں طے پائے۔ نیویارک میں اسپاٹ گولڈ کی قیمتوں میں0.5 فیصد کی کمی ریکارڈ کی گئی اور مستقبل کے معاہدے 1202.11 ڈالر فی اونس میں طے پائے۔