ایمز ٹی وی(صحت) نمونیا اور گردن توڑ بخار کے باعث پاکستان میں بچوں کی اموات کی شرح بڑھ رہی ہے ۔ ان خیالات کا اظہار ماہرین صحت نے آغا خان یونیورسٹی اسپتال میں منعقد سیمینار سے خطاب کے دوران کیا۔
ماہرین صحت نے بتایا کہ اعدادوشمار کے مطابق ہر 3میں سے ایک ہلاکت ان بیماریوں کے سبب ہوتی ہے تاہم نیوموکوکل کونجوگیٹ ویکسین (پی سی وی۔10) کے متعلق کی جانے والی 4سالہ تحقیق سے یہ بات سامنے آئی ہے کہ اس ویکسین کی مدد سے بچے ان دو مہلک امرا ض سے محفوظ رہ سکتے ہیں۔
یہ تحقیق آغا خان یونیورسٹی (اے کے یو)میں پی سی وی۔10 کے اثرات کا جائزہ لینے کے لیے کی گئی ۔
اے کے یو میں پیڈیاٹرکس کے شعبے میں ڈائریکٹر ریسرچ اور ایسوسی ایٹ پروفیسر ڈاکٹر اسد علی نے تحقیق کے نتائج پر بات کی ۔