ایمز ٹی وی (اسپورٹس) مقبوضہ کشمیر کے کھلاڑیوں کی جانب سے پاکستان سے محبت کا والہانہ اظہار بھارت کو ایک نہ بھایا اور اس نے قومی ترانہ پڑھنے والے تمام کرکٹرز کو حراست میں لے لیا ۔
بھارت کے خلاف نفرت کی نئی لہر نے خود بھارتی حکام کو شدید پریشانی سے دوچار کردیا ہے مگر وہ مقبوضہ کشمیر میں پاکستان زندہ باد کے نعروں کی گونج کو نہ مٹاسکے اسی طرح کا واقعہ 2 اپریل کو پیش آیا جہاں کشمیر ی کرکٹرز نے ہندوستان کے وزیراعظم مودی کے دورہ کشمیر کے موقع پر پاکستانی کرکٹ ٹیم کی کٹ پہن کرمیچ شروع ہونے سے قبل قومی ترانہ پڑھا تھا جس کی ویڈیو سوشل میڈیا پر وائرل ہوئی تھی۔
سوشل میڈیا پر ویڈیو وائرل ہونے کے بعد قابض افواج بھی حرکت میں آئی اور اس کے فوٹیج کی مدد سے پاکستا ن کا قومی ترانہ پڑھنے والے کشمیری کرکٹرز کو حراست میں لے کر تھانے منتقل کردیا۔
مقبوضہ کشمیر کے ڈپٹی انسپکٹر جنرل غلام حسن بھٹ نے خبر کی تصدیق کرتے ہوئے بتایا کہ تمام کھلاڑی پولیس اسٹیشن میں ہیں کرکٹرزکی گرفتاری کے خلاف بڑی تعداد میں کشمیری نوجوانوں نے مظاہرہ بھی کیا مگر تاحال ان کو رہا نہیں کیا گیا۔