ایمز ٹی وی(انٹرٹینمنٹ) بالی ووڈہیرو سلمان خان نے اپنی محبوبہ لولیا وینترکوکروڑوں کا گھر اور قیمتی گاڑی تحفے کے طور پر پیش کر دی ۔
بھارتی میڈیا کے مطابق سلمان خان نے لولیا وینترکو بھارت میں مستقل قیام کیلئے مہنگا ترین گھر اور مشہور برانڈ کی نئے ماڈل کی لگژری گاڑی تحفے میں دی ہے ۔ لولیا بھارت میں کرائے کے اپارٹمنٹ میں مقیم ہیں ۔ لولیا وینترممبئی کے ہوٹل میں قیام پذیر تھیں اوربھارت میں اپنا گھر لینے کی جدوجہد میں تھیں تاہم ان کی اس مشکل کو سلمان خان نے خود ہی آسان کر دیا اور ممبئی کے پوش علاقے میں کروڑوں روپے مالیت کا اپارٹمنٹ اور گاڑی خرید کر تحفے میں دیدی ۔
سلو میاں نے اپنے گلیکسی اپارٹمنٹ کے قریب خریدے گئے فلیٹ کے کاغذات بھی لولیا کے نام کرادیئے ہیں جس کے بعد لولیا کی ممبئی میں اپنے گھر کی خواہش پوری ہوگئی ہے۔اس کے علاوہ سلمان خان نے موسیقار ہمیش ریشمیا کو ذمہ داری سونپی ہے کہ وہ لولیا کے گلوکاری کے کیریئر کو آگے بڑھانے میں ان کی مدد کریں۔
خیال رہے کوئی غیر ملکی بھارت میں منقولہ جائیداد نہیں خرید سکتا کیونکہ بھارت میں کسی بھی غیر ملکی کو 183روز کی رہائش کے دوران تسلی کے باوجود جائیداد کی ملکیت دینا غیر قانونی ہے۔