ایمزٹی وی(اسلام آبا د)سابق وزیر داخلہ اور سینیٹر رحمان ملک نے کہا ہے کہ کلبھو شن یادیو کو سزائے موت دینے کے فیصلے کا خیر مقدم کرتا ہوں ،وہ پاکستان کو دہشت گردی سے کمزور کرنے کی سازشوں میں ملوث تھا ۔
میڈیا سے گفتگو کرتے ہوئے انہوں نے کہا کہ کلبھوشن یادیو کو سزائے موت ملک و قوم کے بہترین مفاد میں ہے ،کلبھوشن کو سزائے موت سے دشمن عناصر اور دہشت گردوں کو سخت پیغام ملے گا ۔ان کا مزید کہنا تھا کہ ملک کے خلاف سازش کرنے والے ”را“کے ایجنٹس کسی رحم کے حقدار نہیں ہیں ۔