ایمز ٹی وی(کراچی) پاک سرزمین پارٹی کے تحت کراچی کے مسائل کے حل کے لئے کراچی پریس کلب پر دھرنا ساتویں روز بھی جاری ہے۔ مرکزی رہنماؤں نے کیمپ میں رات گزاری۔ پاک سر زمین پارٹی کاکراچی پریس کلب پر 6 اپریل سے دھرنا شروع ہواتھا، ساتویں روز بھی دھرنے میں بچوں نے بڑی تعداد میں شرکت کی ۔ اس موقع پرچیئرمین پی ایس پی مصطفی کمال کا کہنا تھا جن کے ہاتھوں میں قلم ہونا چاہیے تھا وہ بچے پانی ،صحت، تعلیم اور دیگر بنیادی ضروریات کے لیے سراپا احتجاج ہیں۔ پاک سرزمین پارٹی کے چیئرمین مصطفیٰ کمال اور صدر انیس قائم خانی نے رات کیمپ میں گزاری۔ ترجمان پی ایس پی کا کہنا ہے کہ مرکزی رہنما آسائشوں سے بھرپور زندگی چھوڑ کرعوام کے لیے اپنی نیندیں قربان کر رہے ہیں۔