ایمز ٹی وی(اسلام آباد) وزیراعظم نواز شریف کی زیر صدارت وفاقی کابینہ کا آج اجلاس ہوا اجلاس میں وفاقی حکومت نے ملک بھر میں گیس کے نئے کنکشن پر 8 سال سے عائد پابندی اٹھانے کی منظوری دے دی ۔ میڈ یا رپورٹس کے مطابق وزیر اعظم نے سرکاری حج اسکیم کے اخراجات بڑھانے کی تجویزمسترد کر تے ہوئے اسکیم کے اخراجات پچھلےسال والے برقرار رکھنے اور حاجیوں کوہر ممکن ریلیف فراہم کرنے کی ہدایت کر دی۔ اجلاس میں جعلی دواؤں اورآلات کی روک تھام کے لیےڈرگ ترمیمی ایکٹ منظور کر لیا گیا۔ اس ایکٹ کےتحت ادویات، آلات کی ٹریکنگ کے لیےبارکوڈنگ کی جائےگی۔ صارفین اسمارٹ فون سے دواؤں اور آلات کی بارکوڈنگ سےٹریکنگ کرسکیں گے۔ وزیراعظم نواز شریف نےکابینہ سے خطاب کرتے ہوئے کہا کہ حکومت ہرآدمی کو رہائش کی سہولت فراہم کرنا چاہتی ہے۔ ایسی حکمت عملی بنا رہے ہیں کہ ہرشخص اپنامکان حاصل کرسکے، ترقیاتی کاموں کی وجہ سے شہری آبادی میں تیزی سے اضافہ ہورہاہے، ملک بھرمیں مکانات کی طلب پورا کرنے کیلیےموثراقدامات کی ضرورت ہے۔a