ایمز ٹی وی(تجارت) بیجنگ روڈ شو کے دوران خیبر پختونخوا حکومت اورچینی کمپنی کے مابین چین کو گدھوں کی برآمدکے حوالے سے مفاہمتی یادداشت پردستخط ہو گئے۔چینی کمپنی چھن چھیان انسپکشن اینڈ کوآرتائن کے پی کے میں گدھوں کی افزائش کا منصوبہ شروع کرے گی جس پرابتدائی طور پر5 کروڑ ڈالرخرچ ہوں گے، منصوبے کے تحت گدھوں کی دو اہم اقسام کی بریڈنگ کی جائیگی۔ ایک فارم ڈیرہ اسماعیل خان جبکہ دوسرا مانسہرہ میں بنے گا جن سے چین کوسالانہ80ہزار گدھے سپلائی کئے جا سکیں گے۔بیجنگ میں روڈ شو سے خطاب کرتے ہوئے وزیر اعلیٰ خیبر پختونخوا پرویز خٹک نے کہاروڈ شو خیبر پختونخوا کی صنعتی ترقی میں سنگ میل ثابت ہوگا۔ خیبر پختونخوا میں سیکیورٹی صورتحال کافی بہترہے۔ اس موقع پر خیبر پختونخوا میں13مختلف شعبوں میں سرمایہ کاری کے حوالے سے خیبر پختونخوا حکومت اور چینی سرمایہ کاروں کے درمیان مفاہمتی معاہدوں پر دستخط کیے گئے۔صدر پاک چین فرینڈ شپ ایسوسی ایشن شازوکنگ نے کہاسی پیک سے خطے کے30کروڑلوگ مستفیدہوں گے۔ چین میں پاکستانی سفیر مسعود خالد نے کہا سی پیک پر پاکستان کے سارے صوبے متفق ہیں۔