ایمزٹی وی(نئی دہلی)پاکستان کے قریبی دوست ملک ترکی کے صدر رجب طیب اردگان نے بھارت کو اقوام متحدہ کی سلامتی کونسل ( یو این ایس سی )میں مستقل رکنیت دینے کی حمایت کر دی ۔
ذرائع کے مطابق ترک صدر رجب طیب اردگان نے اقوام متحدہ کی سلامتی کونسل میں اصلاحات کا مطالبہ کرتے ہوئے بھارت کو مستقل رکنیت دینے کے موقف کی حمایت کر دی ۔
رجب طیب اردگان نے مزید کہا کہ ”ایک ارب30کروڑ سے زائد آبادی والا ملک بھارت تاحال اقوام متحدہ کی سلامتی کونسل کا رکن نہیں ہے جبکہ 1ارب 70کروڑ آبادی والا انکا ملک بھی یو این ایس سی کا رکن نہیں ہے جو کوئی اچھی علامت نہیں ہے۔
ترک صدر کا کہنا تھا کہ مزید ممالک کی ترجمانی کے بغیر کوئی یو این سلامتی کونسل سے انصاف کی امید نہیں کر سکتا ۔”باڈی میں رکنیت 20سے 30ممالک میں باری باری کی بنیاد پر ہونی چاہئیے“۔
