ایمزٹی وی(سری نگر)بھارت نے غلطی سے سرحد پار کرنے والے کشمیری بچے پر جاسوسی کا الزام عائد کر دیا ۔
میڈیا ذرائع کے مطابق بھارت نے گزشتہ روز غلطی سے سرحد پار کر نے والے 12سالہ کشمیری بچے اشفاق علی چوہان پر جاسوس ہونے کا الزام عائد کرتے ہوئے حراست میں لے لیا۔
ذرائع کا کہنا ہے کہ اشفاق علی چوہان گزشتہ روز غلطی سے سرحد پار کر کے بھارتی علاقے میں داخل ہو گیا تھا جسے بھارتی فورسز نے حراست میں لیا ۔
یاد رہے اس سے قبل اڑی واقعے کے بعد بھی بھارت نے غلطی سے سرحد پار کر کے اس پار جانے والے 2کشمیری بچوں پر بھی جاسوس ہونے کا الزام عائد کیا تھا ۔ انسانو ں کے علاوہ بھارت کبوتراور اونٹوں پر بھی جاسوس ہونے جیسے الزامات عائد کر چکا ہے۔
