ایمزٹی وی(صحت)سندھ انسٹیٹیوٹ آف یورولوجی آف ٹرانسپلانٹیشن (ایس آئی یو ٹی ) میں جگر کے عارضے میں مبتلا چھ مریضوں کے جگر کی پیوندکاری کردی گئی ہے ۔ جگر ناکارہ ہونے والے مریضوں میں تین اور تیرہ سال کے دو بچے شامل تھے ۔ان تمام مریضوں کو گھرانے کے افراد نے زندگی میں اپنے جگر کا ایک حصہ عطیہ دیا ہے ۔
ترجمان ایس آئی یو ٹی کے مطابق تمام مریض رو بصحت ہیں۔شیراز کے ابن سینا سینٹر ٹرانسپلانٹ کے شعبے میں باہمی تعاون کے سلسلے میں دورے پر آئے تھے جوکہ مڈل ایسٹ سوسائٹی آف آرگن ٹرانسپلانٹیشن کے تحت کئے گئے ہیں جس کا مقصد پیشہ وارانہ مہارت کا تبادلہ کرنا ہے ،شیراز کا یہ سینٹر خطے کے بڑے ٹرانسپلانٹ سینٹروں میں سے ایک ہے ۔ تاہم زندگی میں عطیہ اعضاءبہت کم مریضوں کی ضرورت پوری کرتا ہے البتہ بعد از مرگ عطیہ اعضا سے دو لاکھ مریضوں کی جانیں بچائی جاسکتی ہیں۔واضح رہے کہ ایس آئی یو ٹی کے ماہرین اب تک تین افراد کا بعد از مرگ اعضاءٹرانسپلانٹ کرچکے ہیں۔