ایمزٹی وی(تعلیم/کراچی) امریکی قونصل جنرل گریس شیلٹن اور یو ایس ایڈ کے ڈپٹی ڈائریکٹر ڈینس ہربول نے سندھ کے وزیر تعلیم جام مہتاب ڈہر اور سیکریٹری تعلیم عبدالعزیز عُقیلی کے ہمراہ کراچی میں اسکول کی تعمیرکیلئے سنگ بنیادرکھا۔
امریکی قونصلیٹ اعلامیے کے مطابق یہ اسکول امریکی حکومت کے تعاون سے سندھ بیسک ایجوکیشن پروگرام کے تحت بنائے جا رہے ہیں۔ امریکی قونصل جنرل گریس شیلٹن نے شرکا سے خطاب کرتے ہوئے کہا کہ امریکی حکومت پاکستان میں تعلیم کے فروغ کی بھرپور حمایت کرتی ہے اور ہمیں سندھ بھر میں 106اسکولوں کی تعمیر میں سندھ حکومت سے شراکت پر فخر ہے۔سندھ کے وزیر تعلیم نے صوبے میں تعلیم کو جدید تقاضوں سے ہم آہنگ کرنے کے لیے امریکی حکومت کی مدد تعریف کی۔
ان کا کہنا تھا کہ تعلیم سندھ حکومت کی اولین ترجیح ہے اور ہم وقت کی ضرورت کے مطابق تعلیمی اصلاحات میں مدد دینے پر یوایس ایڈ کے شکر گزار ہیں۔سندھ بنیادی تعلیمی پروگرام کے تحت سندھ کے8اضلاع میں 106اسکول تعمیر کیے جارہے ہیں۔