ایمز ٹی وی (اسلام آباد)عائشہ گلالئی کے الزامات کے دودن بعد عمران خان نے چپ توڑ دی،انہوں نے تحریک انصاف کے حامیوں کو عائشہ گلالئی کی بہن کونشانہ بنانے سے روک دیا۔ سوشل میڈیا پر ایک پیغام میں عمران خان کا کہنا تھا کہ اپنی روح کو فروخت کرنے والوں کو بے نقاب ہونے دیں، میری نااہلی اور میرے خلاف پھیلایا جانے والا پروپیگنڈا ناکام ہوگا ۔ چیئرمین پی ٹی آئی نے کہا کہ مسلم لیگ ن جو کرنا جانتی ہے وہی کررہی ہے،خیبرپختونخوا کی حکومت گرانے کے لیے ارکان کو خریدنے کی کوشش کی جارہی ہے۔ انہوں نے کہا کہ اس بات کا یقین رکھیں، پی ٹی آئی جواب میں ایسی پیشکش نہیں کرے گی، چھانگا مانگا کی سیاست نہیں چلے گی۔ واضح رہے کہ عائشہ گلالئی کے الزامات کے بعد ان کی بہن کوتنقید کا نشانہ بنایا جارہا تھا ۔

My request to all PTI supporters is to immediately refrain from targeting Ayesha Gulalai's sister.

— Imran Khan (@ImranKhanPTI) August 3, 2017