ایمزٹی وی(تہران) وزیر خارجہ خواجہ آصف نے کہا ہے کہ افغان مسئلے کے حل کیلئے علاقائی ممالک میں اتفاق رائے ہوناچاہئے اور افغانستان کے پڑوسی ملکوں کوافغان مسئلے سے نمٹنے کیلئے مشترکہ کوششوں پراتفاق کرنا ہوگا. ایرانی ہم منصب سے ملاقات کے بعد میڈیا سے گفتگو کرتے ہوئے خواجہ آصف نے کہا کہ افغانستان میں امن پورے خطے پروسیع اثرات مرتب کرے گا،ہمارے تہران دورے کا مقصدافغانستان کے پڑوسیوں کوکچھ معاملات پراتفاق رائے کیلئے تیارکرنا ہے، خواجہ آصف نے کہا کہ ایک عشرے سے افغانستان میں امن کےلئے جدوجہد کررہے ہیں اورامریکی فوج افغانستان کے مسائل حل کرنے میں ناکام ہوچکی ہے،وزیر خارجہ نے کہا کہ علاقائی مسائل خطے کے ملکوں کوخودحل کرنے چاہئیں کیونکہ برآمد کئے گئے حل کارآمد نہیں ہوتے،انہوں نے کہا کہ افغان مسئلے کا فوجی حل نہیں ہوسکتااسے سیاسی طور پر حل ہونا چاہئے۔