ایمزٹی وی(اسلام آباد)احتساب عدالت اسلام آباد میں نواز شریف اور ان کے اہل خانہ کی پیشی کے موقع پر میڈیا سے گفتگو کرتے ہوئے وزیر مملکت مریم اورنگزیب نے کہا کہ جھوٹے الزامات کے باوجود نواز شریف کا سپریم کورٹ میں ٹرائل ہوا، ہمارے بارے میں سپریم کورٹ سے بھاگنے کا تاثر دیا جاتا تھا لیکن وقت کے ساتھ تمام تاثرات غلط ثابت ہوئے۔
اس موقع پر مسلم لیگ (ن) کے رہنما دانیال عزیز نے کہا کہ زرداری صاحب کے کیسز کا سارا ریکارڈ تو احتساب عدالت سے غائب ہوگیا، پی پی پی کے سابق وزیراعظم راجا پرویز اشرف کے کیس میں 4 سال میں صرف 4 گواہ پیش ہوئے، کیا یہی احتساب ہے۔
مسلم لیگ کے رہنما مشاہد اللہ خان نے کہا کہ نوازشریف نے پاکستان کے وقار کو بلند کیا جبکہ سپریم کورٹ نے انھیں کرپشن کے بجائے اقامہ پر سزا دی۔