ایمز ٹی وی (کراچی) اورنگی ٹاؤن کراچی کا ہنستا بستا گھرانہ دیکھتے ہی دیکھتے ماتم کدہ بن گیا ۔ ملازم نے ہی مالک کے بچوں کو قتل کر ڈالا۔ مقتول بچوں کے والد کا کہنا ہے چوری کرتے ہوئے پہچان لیے جانے کے ڈر سے بچوں کو قتل کیا ، ملزم کہتا ہے بچے غربت کا مذاق اڑاتے تھے اس لیے جان لی۔18 سالہ ملزم حسنین نے پولیس کو بتایا کہ مقتول بچیوں کی بڑی بہن غربت کا مذاق اڑاتی اور طعنے دیتی تھی -ان کے والد شریف الدین کا کہنا ہے کہ ملزم حسنین ڈیڑھ سال سے ملازم تھا۔ واردات کے بعد پونے پانچ لاکھ کی رقم ، گھر اور دکان کے کاغذات بھی غائب ہیں ۔ اس سے پہلے بھی دکان سے پچاس ہزار روپے چوری ہوچکے ہیں ۔ شریف الدین کا کہنا ہے کہ چوری کرتے ہوئے ملزم نے پہچان لیے جانے کے ڈر سے بچوں کو قتل کیا ۔ مومن آباد تھانے میں بچیوں کے والد کی مدعیت میں مقدمہ درج کرلیا گیا ہے۔